Isefra imaynuten n Sεid At Mεemmer ffγen-d ass n 05.05.2009 di sin isidiyen s wezwel I MUḤEND U YEḤYA.

Yezmer wemdan ad yaf isidiyen akk n Sεid (imaynuten d yeqburen)  di tḥanut TALA ISEFRA yellan di ebay.fr di tensa:

http://stores.shop.ebay.fr/TALA-ISEFRA

Daɣen yezmer yiwen ad isel i tassuft seg isefra agi deg Dailymotion:
http://www.dailymotion.com/video/x95e5a_i-muyend-u-yeyya_creation

Ata wayen tura Tnaṣlit (tamedyazt-tamyarut) fell-asen:

Tadsimant, lγerba, tayri…tirga n war isem !

- -Tidmi - -

Tamawt : Tidmi tettemgerrad, seg wemdan ar wayeḍ, yezmer lḥal ad telhu, akken i yezmer ad tecceḍ, maca, ayen ideg yella lehhu, am wudem n tafukt ur iseffeḍ, aγerbal ur t-yettγummu, afus ur t-yettaweḍ ! Yal wa amek i tga tmuγli-s, yal yiwen amek i yettwali timsal, ferneγ a d-fkeγ tamuγli-w γef wayen i yeεnan isefra-agi n umedyaz anaẓur « Sεid At Mεemmar» (Tadsimant, lγerba, tayri, targit-iw), εerḍeγ akken a d-skefleγ aḥulfu uffir i yeddurin deffir yal awal, deffir yal asefru. Skefleγ-d udem-nni i walaγ deg isefra-agi, s iḥulfan-nni i yi-d-ssawḍen. Skefleγ-d tamuγli n umedyaz deg wayen i ira a γ-d-yessiweḍ, maca, a yi-yessuref ma yella wanda i zegleγ, ma yella wanda akken i ccḍeγ. Ḥṣiγ yella wi ara yebḍun yid-i tamuγli, yella win ur tettwali am nekk timsal, maca, a d-teggri tagi d tidmi, yal wa d wamek yessen, yal yiwen s wacu yettamen d wamek yettḥulfu…   

« Nekk nniγ ayen ssneγ, γas kunwi s waya ur tuminem !
Awal d-tennim a t-meyyzeγ, yes-s ad ttnadiγ f usirem!
Si yal taεwint a d-agmeγ, ayen kan yellan yewqem!
Ayen n dir a t-ssufγeγ, ad yeğğ adeg-is i lehhu!
Nniγ ih, tennam ala, tennam ih, nniγ uhu!
Yal wa d ilelli deg wayen yebγa, d ilelli deg wayen yettargu! »

Targit n wegdud akken ad yili, aken ad yedder d ilelli, ad yessuγ ad yessiwel. Ad yissin, ad inadi, akken d wayen i s-yehwa ad yini, war leḥya, war tugdi!

Tadsimant, asuγu n terwiḥt n Massnsen, lebγi n yal ilelli, akken ad yidir s nnif. D targit n wegdud-nni i yexsen ad idegger azaglu n ddel γef yiri-s, ad yaf iman-is, ad yessiwel s tutlayt-is, ad iḥulfu s tlelli-s… Azref n wegrud akken ad yissin lejdud-is, ad yeεqel imawlan-is, ad yaf γer laṣel abrid-is!

S wawal i yezḍa abernus mellulen, di tecdaṭ-is yeckenṭed usefru “Tadsimant”, s taγect-is, yewwi-t-id “War isem”, am ucewwiq-nni n temγart i yezzuzunen mmi-s di dduḥ, akken i yesself “War isem” i targit n wul-is s ifassen n usirem di Tadsimant.

« Tecfam f lqermud mi d-yeṭṭilli, yettwali-d ur d-yelcim!
Yerra tiqit, yerra-d tili, ulac d acu i wumi ur t-nuqim !
Ixammen n zik nessuli, γlin yiwen ur d-yeqqim !
Akka ara γ-teḍru d tlelli, ma ur s-nebni axxam urqim ! »

I yenna umedyaz deg wawal-is, War isem, idegger tamuγli-s γer wanda akken i yecceḍ uḍar, iwala ugur anda i yettgani, yessekfel-d takekkuyt i yezdγen aẓar, din i tuḍen icc-is ziγenni. Win yebγan ad yebnu, ad iγiz lsas iseḥḥan, ad yesbedd tigejda yeqqwan, ma ulac, fiḥel ad yewwet agelzim ! 

Tadsimant : Efk-iyi tilelli n takti d wawal, anef-iyi ma yehwa-yi ad ččeγ agercal. Anef-iyi ad iliγ kan d nekkini, ma yehwa-yi ad dduγεeryan ḥafi !

Tadsimant : Ssuγeγ, γas kečč ur tesliḍ, ddreγ assmi akken i yi-tenγiḍ ! Nekk lliγγas ur yi-tettwaliḍ !

Tadsimant: D isuγan n wagdud amaziγ, i yettnadin abrid-is γer tilin.

Tadsimant: D amennuγ n wacḥal leqrun mgal taḥeqranit, mgal zzur, mgal lbaṭel.

Tadsimant: D anadi n yiman γef yiman-is!

Berra i taddart n imawlan, si tama-nniḍen n yill, akin i tlisa n tmurt, tessawel-d tasa n weγrib, tger irebbi teγri-s i wakal n “At Meslayen” tessekfel-d iγsan yerkan ddaw wakal, tarwiḥt n tmurt i wul terra-d awal, tessawel-d si talqayt n yiman n “War isem”, tger irebbi i tyemmat, tesfeḍ imeṭṭi i tegmat, tbedd γer yidis n tdukli, teẓẓel ger waktayen n temẓi, din ansi d-tekka, anda i tessen, tjerreb, teẓra, ayen ur nelli anda-nniḍen!! Itezzem ayen akken yellan d tamentilt n yinig, ayen akken akk i s-d-yemlan iberdan yessufuγen berra n “At Meslayen”.

« A tayri lemmer ssusmeγ
Fell-am yettağğa lawan
S usefru-agi ad cuddeγ
Imurar ger wulawen
Ssarameγ ad ttwameḍleγ
Yes-m deg wakal n “At Meslayen”
Ssarameγ assmi ara fateγ
Aẓekka ideg ad meṭleγ
Ur yettili deg yinig! »

Tarwiḥt i icewwel lefraq, tettargu s tujjma timlilit, ad yaf wul widen i yectaq, yid-sen a t-tezdi talwit. D tarwiḥt i d-igren tiγri, tessuγ, i “At meslayen” teggar irebbi yal ass di targit.

« Deg taddart anda i luleγ
Iγsan-iw a ten-sserseγ
Akken γas necceḍ ur neccig
S tayri d lγerba ttwaqqseγ
Greγ-d abbuh suγeγ
Ul n uḥulfu ur yettcerrig
A yemma bγiγ a n-aseγ
Ussan yid-m a ten-kemmleγ
Γas ul n tmurt ur zeddig! »

S tezmert n tayri, tin akken i wumi ur nezmir, yessken-aγ-d udem n yetri, win akken ur nelli d uffir, nwala-t imi berrik igenni, zdat waggur yetreqriq, yekkes i wulawen ugur, yecna-d i lebγi acewwiq. S terwiḥt i yeffuden laman, s wul zeddigen am waman, aman n wasif ur nluγ, yessawal, yettsuγ, yimi n tayri, s yiles n “War isem” yesself i leğruḥ ḥlan, yessaγ taftilt i wuḍan… yerra-d i wallaγ allaγ, yekmes deg irebbi n temẓi aktayen i teffer temγer, iḥekku-yas i wass-a ayen akken i s-iga yiḍelli, yettcetki-yas i tezmert ayen akk i texdem deg-s tewser, yeqqar-as i Tayri: “AYΓER?!!”

« A tayri d acu i m-uqmeγ
Yak nekk seg wid tettγadeḍ?! »

Yettmekti-d tizeṭ i yessebleε yimi, deg-s tessegra-d terzeg nnehta, yettmekti-d ayen i yuγalen d awezγi, yak yiwwas yella d tidet tṣeḥḥa, tidet-nni i targit tger irebbi, d ccfawat kan i d-tesnulfa!

« Ḥulfaγ qqleγ d targit-is
tewweḍ-itt mi yi-d-tettwali
Ẓẓleγ afus s afus-is
I sin γer tayri neγli »

Targit n tayri i yeskikkiḍen tudert, d aseḍsu-nni n yimi, i yettarun γef wudem azwwel n tumert , mi akken ara zdin yerwiḥen, mi ara mlilen wulawen, di lğennet-nni yessruγun, din akken anda i ttaḍsan ttrun, anda i ttmeğğiden cennun, din anda i yettdukul leεtab d talwit, ṣṣbeḥ d tmeddit, anda akken ur llint tilas, deg irebbi n usirem-nni iyeẓẓem layas! Ger ifassen n lehna-nni ideg ihemmej lweswas!!

« Ulac lehhu it t-yugaren
Tegnit-nni ideg nesdukkel iswi
Assmi nuγal d yiwen
Lemmer fell-aγ ur tt-nerwi!»

D tignawt-nni n tefsut ideg cebḥen wussan, tasga teṭṭef-itt tafukt, deg yiḍ tettṣaḥ-d i yetran, ccbaḥa-s win akken tfut, yeffud ur yeswi aman!

Din din, a d-teεjel tegrest, tignewt yeṣfan ad terwi, kra zegzawen ad yejjet, agu ad yeḥjeb kullci, asirem yellan ad yemmet, layas ad yennerni!

Ayen akk iγef newwet, a γ-yewwet s ufus n tayri. Akka i d nettat tayri, ma tesseḍs-aγ-d ad a γ-tessru, yiwwas a γ-teddu di lebγi, deg wayeḍ a γ-d-tessekfel ddeεwessu, a γ-terfed armi d leεli, sikin γer lqaε a γ-tebru!

« Nekk γur-i ad iteffeγ
Waẓar n tayri i tmeṭleḍ
Tenna-k d awezγi ad ffγeγ
Wali-yi ur yi-tettawdeḍ »

Udem-nni n yetri i γ-yecqan, nettu yezga-d deg igenni! Nettwali-t s wallen kan, ur t-nettaweḍ d awezγi, udem-nni n yetri acebḥan, tikkwal iḥejjeb ula f tmuγli, mi ara iγumm agu aberkan, amek ara teḍru i yeẓri, yuγ tannumi i wayen yelhan, dγa tuεer tannumi!

Akka i d agama n wemdan, yettcebbib γer wayen i s-ibeεden, d ayen ur s-d-nettṣaḥ i t-yecqan, ur yecliε deg wayen i ṭṭfen ifassen! Ilili γas d ayen rzagen, yeεjeb-asent i wallen!!

“War isem”; war akukru, iger afus-is yesself i wudem n tayri, yesfeḍ-as i lhemm imeṭṭi. Yessendi ifassen i targit-is, γas d tirgin i s-d-tewwi, yeṭṭef-itent, yes-sent iteqqed ul akken kan ad yettmekti!!

« Lluzeγ lliγ-am-n imi-w
Dγa tefkiḍ-as-d aya:
Tdeggreḍ-as-d yiwen n yibiw
Yečča-t teggra-d ccfaya! »

Tayri-nni tamezwarut, tinna i iteddren i lebda, tin akken ur tettḥaz lmut, tin i izeddγen di ccfaya. D targit-nni tamenzut i d-yettağğan i wul ccama, deffir-s ur telli tmaynut, yeskaddeb win yennan « Tella » !

« Teggra-d ccfaya n tiẓeṭ
Ay ul d ayen ur ntettu
I k-yehwan ay imi tγezzeṭ-t
D arzagan am yir seksu! »

Tettuγal-d targit n war isem, akken a d-tejbu s leḥya, am tafukt deffir usigna, teggar-d ixef-is, deffir yal awal, tesrusu allen-is γef yal tawinest, tettarra nnehta di yal asefru. Targit-nni i γ-yettawin deg webrid ur nban, akken ad nnadi ccbaḥa n wussan, akken ad nqelleb γef lğerra n laman, targit-nni i γ-yessawaḍen γer umaḍal n iḥulfan!

Lemmer netta d targit-is ad mlilen, lemmer d-terezzef γer tilawt targit, sani ara γ-ssiwḍen, d acu ara d-xelqen?!

« Lemmer nekk yid-m a nemlil
Ad nekkes i usirem timedlin
Amzun yeṭṭes ddaw weεdil
Ussan a t-id-ssakin »

Targit-is, akken ad yedder usirem, n kra wi yessaramen, ad yeffeγ layas seg wulawen, ad tecbeḥ tudert n yakk medden!

«Lemmer nekk yid-m a nemlil
Ad neṣfeḍ lğerḥ i yal d aqcic
Γas nedfen widen ugujil
Ad nesseḥlu yal d adeddic »

Targit-is, akken ur ttilin leğruḥ, ur tnezzef tasa, ur yettruy umecṭuḥ, ur yettcihwi ḥedd lehna.

« Lemmer nekk yid-m ad nemlil
Win yeqqaren ccah yeγza
Yir aḥulfu a s-t-neslil
Ad yeqqel am yemma Tereza »

Yettargu ad tdel tezdeg yal aḥulfu i izedγen iman, leḥnana yeffren a tt-id-yessekfel, γas ulamma seg yir amdan. Yettargu ad yeffeγ ddγel, ad yeğğ i tayri amkan, tiselbi a tt-yif leεqel, cceḥna a tt-yesfeḍ laman.

Yettargu kra yellan d acebḥan, ad yejjuğğeg ad yennerni, talsa ur tettağğa amdan, ur yettuγal d adeγli, leḥmala ad teṣfeḍ urfan, a d-teffeγ si tili, tafat ad teččar iberdan, azaglu n ddel ur yettili. Lemmer netta yid-s ad mlilen:

« Lemmer nekk yid-m ad nemlil
ad nnecraḥen akk wulawen
Iγi ur yettuγal d ikil
Luḍa mačči d asawen!»

Yettargu, targit ur tekfi, yettraju, wissen ar melmi?! Yettargu, targit-is aziγ d targit, di tidet wissen ad teḍru, neγ ad tedder d taγribt deg wul i iεebban azaglu n tilawit?!!

Targit-ik a War isem, d asefru, asefru yebdan ur yekfi. Seg wansi i yekfa ad yebdu, asni i yebda ikeffu. S ufella tettban-d d awezγi, s daxel teččur d tidet!

Targit-ik a gma ur tt-nessin, γas ma tezga tedder deg-neγ, tettban-aγ-d tikkwal d alhin, di ṭṭlam kan i d-iteffeγ. Tikkwal tettban-d d aneglus aḥnin, i iselfen i yerwiḥen-nneγ! Targit-ik terra-yaγ nettargu, γas ma llint wallen-nneγ!

Yewwi-yi usefru-agi γer tizi n targit, din ufiγ ayen is ttamneγ akkit, ufiγ deg irebbi n targit, ayen i γ-tekkes tilawt, ayen akken ur nezmir ad nedder mi ara d-yelli wass allen-is, kra din aziγ yezdeγ ddunit n tirga, dγa afeγ-d iman-iw steqsayeγ: 

« Anwa i yessawalen tidet d targit neγ d tilawt?! »

War aεeṭṭel, yerra-d “War isem” i westeqsi-agi s tzemnit-is n tanummi, yenna-d ayen i yettwali s wallen unazur, amedyaz: 

“Tirga mgarradent, llant tid-ak i nettargu mi ara neṭṭes, mi ara nexxuc, ad ncexxer, neγ mi ara γ-yexneq buberrak…atg. Maca llant daγen tidak i nettargu mi ara d-naki si tmezwura, tineggura-agi llant tid i yettnaγen d tilawt, llant tid i yettaṭafen i tilawt afus mi ara yili webrid-is yenğer γur-sent. Tigi dγa d tirga n yal ass ideg ukin yemdanen neγ n wuḍan ideg ttwanasen bururu.

Tilawt tebḍa γef sin, tin i yemyuṭṭafen afus d tirga, akk d tin akken i yettnaγen yid-sent. Imdanen daγen mgarraden, wa d tidet i d tidet-is, wayeḍ uhu. Yal amdan s iḥulfan-is, d amgarred-agi n iḥulfan i d-yeslalan tayri si tama, aksan neγ lkerh si tama-nniḍen, i tura d acu i d tidet? Ur ẓriγ ara. Akken ttwaliγ, ad anfeγ kan tiririt n westeqsi i yiḥulfan imi d nutni i d ddunit.”

Tanemmirt seg wul yettargun, d yiman yettḥulfun, ay anaẓur, ay amedyaz, imi i d-tneğreḍ i terwiḥt targa γer ddunit n tirga!

Tanaṣlit.

The Amazigh Cultural Association in America is deeply saddened by the loss of Mohamed Bensmail of Philadelphia. We hope he can now rest in peace. Mohamed left a wife and 5 children, the oldest of whom is 16 years old.

Imaziɣen of Philadelphia collected enough money to take care of his funeral and the shipping of his body to his native Kabylia. They have done a tremendous job and we all are grateful for their solidarity. Thank you!

Now, it is time to help the grieving family during these very trying times.  So, please help by sending your check or money order to the ACAA address (go to the contact us page), or bring your contribution to our Tafsut Commemoration in New York City this saturday. Please make your check or money order to the name of Malha Bensmail. ACAA will collect all donations and present them in an envelope to Mohamed's widow.

Thank you for your support. Afus deg ufus ay imaziɣen, ur ilaq a neɣli.

English version follows

Melmi: Ass n wis ssin deg Mayu 2959 (May 2nd, 2009) seg 6 n tmeddit alami d 11 n yiḍ.

Anida: Gustavus Adolphus Lutheran Church
155 East 22nd Street (corner of 3rd Avenue).
New York, NY 10128 (Entrance on 22nd street) 

Tagburt n usmekti n Tefsut 2959:

6:00-7:00 n tmeddit: Anṣuf d temlilit n inebgiwen sɣur Aomar Bensliman.
7:00-8:00 n tmeddit: Tameslayt ɣef tlufa n Tmaziɣt/Tafsut. Tiddukla ad tefk alselkin n wesnimmer i yiselwayen izrin Ḥsen Larbi (2007-2008) d Kamal Hadidi (2006-2007) ɣef leqdic nssen imezgi deg ubrid usali n yedles Amaziɣ.
8:00-9:00 n tmeddit: Imensi n Tefsut.
9:00-11:00 n tmeddit: Ccna Amaziɣ sɣur tarbaɛt Gibraltar (http://www.gibraltarband.com ).

Takcumi: Arrac s ddaw 18 isegasen ulac. Imaslaḍen n Tiddukla imeqranen $10 i yal amdan. Widak ur nelli d imaslaḍen n Tiddukla $15 i yal amdan.

Txil-nnwen erret-d awal ɣer tilifun (201) 388 1586 neɣ (917) 346 6086 neɣ azent-ed izen aliktruni ɣer abensnyc@aol.com. Ilaq-aɣ leḥsab n inebgiwen ara d-yasen ɣer usmekti ɣef wakka txil nwen erret-ed awal qbel wis 30 deg Yibrir 2009. Nessarem aṭas degwen ara d-yasen ɣer usmekti n Tefsut 2959.

Date and time: May 2nd, 2009 from 6 p.m. to 11:00 p.m.

Place: Gustavus Adolphus Lutheran Church
155 East 22nd Street (corner of 3rd Avenue).
New York, NY 10128 (Entrance on 22nd street) 

Directions: No 6 Subway train to 23rd Street, Walk East and make right on 3rd Avenue, make another right on 22nd street. 

Program: 

6:00-7:00PM: Welcome and opening remarks by ACAA president Aomar Benslimane.

7:00-8:00PM: Discussion on the meaning of Tafsut and its legacy for the generations to come.

Award ceremony: Certificates of recognition will be presented to Hsen Larbi and Kamal Hadidi for their leadership and dedication to the Amazigh cause while serving as ACAA presidents during the terms 2007-2008 and 2005-2006 respectively.

8:00- 9:00PM: Diner (Menu will be made available on the premises).

9:00-11:00PM: Celebrating the Amazigh culture. Music and Dance with the Gibraltar band, a North African band from Algeria and Morroco. Their music is inspired by the various ethnic groups that exist in the region. For further details, check http://www.gibraltarband.com

Entrance fee is: $10 for members and $15 for non-members (Free for everyone under 18).
To help us better plan for this event, please confirm your attendance by calling 201-388-1586 or 917-346-6086 or by sending email to abensnyc@aol.com for an early head count. Please confirm your reservation by April 30th, 2009.

Hope to see you on May 2nd, 2009.

Waghzen is the name of the mythical Amazigh creature called the oger but also the name of a new band that sings Heavy Metal in Tamazight (Taqbaylit). With many concerts and their first album in circulation in Algeria, they are looking for opportunities to prove their talents both inside and outside Algeria. Check out this article if you would like to learn more about the band: http://www3.france-jeunes.net/lire-groupe-waghzen-un-avenir-en-somme-25327.htm You can also listen to one of their songs at: www.i-cone.net/default.asp?id=145

Please give a round of applause to this new band from the mountains of Kabylia.

Subject: Tafsut 2959 (Amazigh Spring) Commemoration
Date and time: April 25, 2009, from 3 p.m. to 9:00p.m.
Place: Hub’s Restaurant 
                6325 120th Avenue
                Kenosha, WI 53142
                 Phone: 262-857-9799
           
Dear ACAA Member:
We would like to inform you that ACAA is commemorating Tafust 2959 on April 25, 2009. It will take place on April 25, 2009, at Hub’s Restaurant  in Kenosha, Wisconsin. It is about 30-40 minutes North  of the O’Hare airport. All members of ACAA and friends of Tamazight are invited and we hope that many of you will be able to attend.

Agenda:
3:00-5:00 p.m.: Welcome and reception
5:00-6:00 p.m.: Discussion on Tafsut
6:00-7:00 p.m.: Dinner 
7:00-9:00 p.m. : Talk on Tafsut or Mouloud Mameri, Poetry reading, story telling, and Amazigh music.
The entrance fee is: $25 per person. (Children under 12  pay $15).

We hope that you can join us at this commemoration. To help us better plan for this event, please confirm your attendance by sending an email to acaa92@yahoo.com .  Because we need to provide the number of guests to the Restaurant in advance, for this reason please confirm your reservation by April 19, 2009.

Note: if you confirm your attendance and you do not show up you will still have to pay. See you on April 25, 2009.
Thanks

Akli Gana
For ACAA Central Region (5)

Directions to the Hub Restaurant From O’Hare airport take 294 North, which becomes 94 West to exit 344 it is also the exit for Highway 50. Go East (right) on Highway 50. After about 50 meters you will see on your left a “Shell Gas Station” turn left into the street (avenue 118) in front of the “Shell Gas station” proceed on that street. You will see on your right the Woodman Shopping Center, the Texas Road House restaurant, then the Little Europe Restaurant and 100 meters after Little Europe you will find the Hub Restaurant on the right side. 

If you come on 94 north proceed to exit Highway 50 and proceed East (left) and then follow the directions given above.
                       
See you on April 25, 2009

Dda Ɛmer bu tfenṭazit

A tawaγit-iw, a lqecc-iw d wi tbubbeḍ ay ul ageswwwaḥ!!!

Macahu γef wass-nni amcum, yettaken anzi s ussan-nniḍen kan:

Tekker nna Taferruǧt s asewwi n imensi, aεeqqa n wewren ur izad, ur yenγis. Amzun tettektil-iten ngum a d-kecmen taseksut.

Teftel, terḍem, tesseww, yewweḍ-d lawan n imensi, yekcem-d dda Ɛmer (argaz-is) s axxam.

Yeqqim γef ukursi, yeẓẓel iḍarren-is akken yessefk, yesnejbad akk iman-is akka d wakka, yuγal yenṭeq γef mmi-s, yenna-yas: Yya-d a Mexluf a mmi, qabel-iy-id akka s yahin s učči, meqqar ad sɛuɣ la biti!

Mexluf yekker iqubel baba-s γer ṭṭabla, nna Taferruǧt tessers-asen imensi zdat-sen.

Ččan, swan, rwan, uγalen ttgurruεen si bibṛas, dγa ufan-d γef wacu d-jebden awal:

Dda Ɛmer: Asmi d-newwi tislit si Xnecla i Bextis-nneγ, fkan-aγ-d at Meṛwan kra n imerṣumen n weksum a Mexluf a mmi fi εin cciṭan, wellah ar ugaren amehraz-inna deg ufus n yemma-k. Rnan-aγ-d yiwen lgazuz d aberkan, neswa almi neṭṭerḍeq, nuγal nettgurruε akka am tura. Twalaḍ a mmi li bbun  sivinir, jjami u bli jjami teffɣen aqerru n yiwen "ya ma sseεd-k ya faεel lxir" ad yerḥem Rebbi iγsan n at lxir di lğennet!

Mexluf: Am arezg-nwen a ba, terwam-d MANJ TU s iqeffafen!

Lgazuz-nni aberkan ssawalen-as medden Kuka Kula (Coca Cola).

Dda Ɛmer: S bibṛas i t-xeddmen?

Mexluf: Wellah ma ẓriγ a ba, maεna ur cukkeγ ara, d lgazuz  d- yennulfan di Marikan, si lazi akin, wissen ma yella dinna bibṛas…

Nna Taferruǧt tekker tejmeε ijeqḍuren ideg ččan yergazen, tesfeḍ-d ṭṭabla, tesdukel seksu d-yugaren deg iḍebsiyen-nsen γer yiwet tqedduḥt, terna-yas kra n useqqi, teqqim γer tγerγert (lqaɛa), acku nettat d tameṭṭut i tella, ur tessin ara i wučči a la Xnecla. Akken tessaweḍ snat neγ kraḍ n tγenjawin n seksu s imi-s, terwa si tmendit imi ur d-yenni ara dda Ɛmer ass-nni izad kra neγ yenγes. Tessers taγenjawt-is (tijγelt-is), tekker tebda asired n leḥwal.

Dda Ɛmer iremmeq-itt si teɣmert, iwala tessegra-d kra n iεeqqayen n seksu di tqedduḥt-is, iγil εni tefka axxam-is i uxessar.

Yečča wergaz timess, yesmermeɣ fell-as s leεyaḍ, yenna-yas:

Ssers-iten din ijeqḍuren-nni, ssers-iten din a ddin n yemma-m!

"Yessusef-as γer tqedduḥt, ttfuh, ttfuh!!!" snat tikkal, yenna-yas daγen: Mebla ddin n baba-m, mebla ddin n baba-m, a lukan a d-teğğeḍ yiwen uεeqqa yugar-d, ar d-iferreğ deg-m win ixaqen. Ayen a lmettwet, ṣṣreγ lɛar-im almi d ass-a akken ad tessnegreḍ axxam-iw yerna yal ass qqareγ-am lḥal ilmend n leḥwal, kemm tugiḍ ad tesleḍ. D ayen iɣef d am-ttεeggineγ iɣer tettuɣaleḍ. Yefka-yas sin iqeddimen γer tlemmast n uzagur, yuγal deg-s nnefs tmeɣdurt, teẓẓel deg tlemmast n tγerγert, teṣreɛ. Dda Ɛmer bu tfenṭazit yezzi, yenneḍ sennig uqerruy-is, yebren cclaγem-is, yenser axlul, yenneḥneḥ, yuγal yekker ad yekcem γer tɣurfett-is, yessegra-yas-d imeslayen-agi: A yelli-s n yiẓẓan, lammer a d-yini cciṭan igenni tεawdeḍ i ugejdur yecban wagi, a kem-refdeɣ d tamuddurt, a kem-id-sserseɣ d lmeyyet. Ihi tura nekk nniγ, kemm tesliḍ, ata wansi kkiγ!

Yekcem γer texxamt-is n tguni, yefser iman-is γef wusu, iger-d nnehta, yessaweḍ yiwen uɛemmur n ccemma, annect tettaddam telwaḥt γer ddaw n icenfer-is ufella yellan di tama taẓelmaṭ, yettban-d amzun temγi-d teẓrut ddaw tiṭ-is,  yuγal-d acemma γer leεqel-is, imiren yesteqsa iman-is γef wacuɣer d wacu d-yella ccwal-nni deg wexxam.

amagrad ittkemmil