Masinisa Lwennas, Amedyaz Ameẓyan 11/29/2009
 Adlis-a n tmedyazt tamaziɣt (s taqbaylit) yeffeɣ-ed deg useggas 2008. Masinisa Lwennas yuzen-aɣ-d yiwet n trumalt n wedlis-is. Nesnemmir-it aṭas u nessaram-as tazmert tameqqrant akken ad ikemmel abrid n tira d usefru. Hatta wacu d-ittwuran f umedyaz ameẓyan (asebter aneggaru n wedlis): Amedyaz Masinisa Lwennas d yiwen ilemẓi ilulen ass n 06 Yulyu 1985 deg At Meḥmud di taddart n tewrirt Musa Waɛmer. Ilemẓi-agi ad yli seg wid i umi qqaren "tettuneft-asen" imi tamedyazt tezdeɣ-it, yettidir yis-s. Yesɛa acḥal d asefru deg wallaɣ-is. Ɣer tira, akken kan yerra lewhi-s imi d wagi i d ammud n isefra amezwaru i d-yeffɣen. Ad t-id-ḍefren wiyaḍ.  " Tamzwarut ilaq a d-nini belli tira n tmaziɣt n wedlis-a gerrzent. ḍefrent ilugan n tira akken ilaq. D ayen waqila iɛedda zzman nni deg yal wa ittaru akken ibɣa. Isefra n Masinia serrḥen, uran s teqbaylit isehlen. Maca ufiɣ belli amedyaz ameẓyan yettader-ed isem n Ṛebbi, ad as-tiniḍ d awessar. Aya ur nezmir ara a d-nini ma yella ikka-d seg laɛwayed n leqbayel (am isefra n at zik) neɣ seg wakken amedyaz d win iḍefren abrid n Ṛebbi ak d tineslemt. D amedya yenna deg usefru "Tamɛict nneɣ": Newwi lmektub d aɛwin Ṣṣber d lkuraj di sin Nɣil iṭij ad aɣ-yecreq Dawit-aɣ ay at ddin Nɣant-aɣ tismin Lebɣeḍ la d-iḥemmeq At lbaṭel i ɣ-d-yezzin Ur nettagad mi ara ɣ-awin S wawal n Ṛebbi a d-nenteq Ayen i yi-ɛeǧben deg wedlis-a, ɣas akka ittwadder-d degs Ṛebbi aṭas, d akken isefra n Masinisa d isefra n lḥif n imeẓyanen n tmurt n leqbayel. Am Masinisa Lwennas n At-Meḥmud, am Masinisa Germaḥ d waytm-as yeɣlin di tefsut taberkant (2001) anida ilemẓyen n tmurt n leqbayel kkren-d, neɣ a d-iniɣ ggelfaɛnt seg lḥir n tmuḥqqranit d lmizirya. Deg usefru "Imeɛdar" yenna-yas: Aqli-yi am win yessaramen Ad sɛuɣ iḍarren Ula d nekk ɛyiɣ di lemrar Di ṣṣifa cubaɣ all medden Lameɛna kkawen ifadden Zzher-iw dima yenṭer D lmut kan i ɣ-d-iṣaḥen A nesteɛfu d ayen Axir akka wala kter neɣ akken i s-yenna deg usefru i wumi isemma: "Cubaɣ-k ay iṭirelli" Cubaɣ tamɛict iṭirelli Si ṭṭlam ur d-yettefeɣ Ddunit teɛkes fell-i A tafat ur am-zmireɣ Xas ruḥ eǧǧ-iyi Tannumi tesɛeb a tt-kseɣ Maca deg tama nniḍen ilaq a d-nini dagi beli issewhem-aɣ yisem n wedlis-a "Laṣel mebla izerfan" acku adlis yewwi-d aṭas ɣef tlufa n tudert ak d tayri. Ulac aṭas n wawl ɛef izerfan neɣ laṣel. Haten-a yismawen n isefra n Mas Masinisa Lwennas:
ACAA awards a yearly grant to Numydia Radio 11/08/2009
 S unecreḥ i tera Tiddukla tadelsant tamaziɣt deg Marikan ad tefk tallalt n $1000 i useggas i Radyu Numydia n Columbus Ohio. Radyu Numydia d radyu n tmaziɣt tamezwarut di Marikan. Tessenker-itt-id Sunya Laǧaǧ d imdukal-is. Tiddukla tesnemmir-iten aṭas ɣef usemlili agi d-semlalayen imaziɣen yellan d iɣriben yellan di yal tama di Marikan d umaḍal s lekmal-is. Tiddukla ACAA taɛreḍ imaziɣen yellan di Marikan a d-fken tameẓẓuɣt i Numydia ama akken a d-slen i isallen, ama d aẓawan (tizlatin) neɣ d tidewwiniyin... Ddut ɣer usmel n Numydia teslem i yedles nnwen! English As an active advocate of the Amazigh culture, Numydia Radio (Columbus, Ohio) has been offering a great platform for communication and public service by keeping all Imazighen connected throughout the world with their Amazigh cultural heritage by bringing them the latests news and songs, organizing interviews and promoting the Amazigh culture through Internet radio. The board of directors of ACAA is happy to present Numydia Radio with a yearly grant of $1000. This modest monetary contribution is a token of ACAA's appreciation for all the great services Sonia and her staff at Radionumydia have been providing to our community. ACAA is committed to helping RadioNumydia and other social/cultural initiatives geared towards the same goals of providing a public service to our people through the promotion of the Amazigh culture. |  MenuAll Download the keyboard and fonts necessary to write or visualize Tamazight on your Windows computer 
ArchivesMarch 2010 | ||
RSS Feed