AMUSSU ADELSAN AMAZIΓ N INELMADEN G TIZI N IMNAYEN

ALƔU

Azul d ameγnas ,

Di tazwara. azul ameqran i inezbayen n tidet n ugdud amerruki , azul n  tγensa d tẓiḍert i yinekraf isertanen n  Umussu Adelsan Amaziγ (MDM) illan g yikurmuten n timmuzdert : Tucka, Sidi Sεid d Warzazat.

Ayyuz i akw winna ikan tudert d idammen-nnsen i tmentilt tamaziγt, salen ar akkan (Meεtub Lwennas, Saεid Sifaw, Manu Dayak, Bujemεa Hebbaẓ,Lγaci….atg)

Ibeddi nga assa g tesnawit n Zayd u Ḥmad (Med V) g Tizi n Imnayen, yusa-d d wass amaḍlan n tutlayin timezwura,  21 febrayer acku nra ad nini i yinelmaden ula medden is iga wawal amaziγ tutlayt-nneγ tamezwarut, d wis ur nri asselku ittegga udabu aεerbeẓri i tmaziγt ula Imaziγen, am uyenna gan isemxan d yiḥeẓẓaren n udabu i yimeγnasen-nneγ ayenna ran ad gen yan ibeddi amalway dat “umni” amerruki ass n 14 febrayer 2009.

 Day, ar nettini i Lmexzen ad d-irẓem i yinekraf n Umussu Adelsan Amaziγ d ad iwdu asselku ittegga i Imaziγen ula i tmizar g tsul tedder tutlayt tamaziγt: Anẓul Ugmiḍ, Rrif, Tiniri…

Seg tama yaḍen, da nessutur ad tili tutlayt tamaziγt d tutlayt tunṣibt g tmendawt n tmazirt-nneγ tili g akw iγerbazen d tsuda, ar diγ nesγuyyu γef yiselmaden imeksenmaziγen g tesnawit-nneγ isxuben aḍu i yinelmaden isawalen γef tmaziγt.

Ar nesskan tiwizi-nneγ d yimussuten n yinelmaden imaziγen g Ulennif, Bumal n Dades, Tinγir, Walmas, Nnaḍur…atg

Ittug g Tizi n Imnayen ass n : 09-02-2959 / 21-02-2009
                                                                                   

“ Skud mazal tarwa n leḥlal Ur as-nkennu i lqid ”

Lexicon / Amawal

Amussu: Movement
Inezbayen: Those who resist
Tamentilt: Cause
Tasnawit: High school
Amaḍlan: Related to entire world
Aεerbeẓri: Arabist
Amalway: Peaceful
Anẓul Ugmiḍ: Southeast
Tunṣibt: Official
Tamendawt: Constitution
Tisuda: Institutions
Imeksenmaziγen: Amazighophobes